Gwasanaeth Esgobaethol a Sirol o Weddi a Diolchgarwch cyn Coroni Eu Marhwydi’r Brenin a’r Frenhines

Cynhelir ein gwasanaeth i weddïo dros a dathlu’r Coroni am 6.00pm nos Sul 30 Ebrill. Bydd y Côr yn canu cerddoriaeth a gyfansoddwyd ac a berfformiwyd mewn Coroniadau blaenorol, gan gynnwys Sadoc y Ffeiriad gan Handel ac I was Glad gan Parry. Mae croeso i bawb; mae mynediad am ddim, a gellir cadw sedd yma; bydd derbyniad gwin i ddilyn. Bydd y gwasanaeth yn cymryd lle ein Gsober ar Gân arferol ar brynhawn Sul.

Sul y Galw

Ysgrifenna’r Is-Ddeon:

Dathlwn y Sul hwn yn Sul y Galw – diwrnod y byddwn yn myfyrio ar ein galwad i ddefnyddio ein doniau i wasanaethu’r Eglwys a’r byd. Mae gwefan ein hesgobaeth a’n tudalen Facebook yn cynnwys cyfoeth o adnoddau a baratowyd o dan arweiniad ein Canon Secundus a allai danio fflam galwedigaeth ynom o’r newydd, a gadewch imi gymeradwyo’r rheini i chi. Mae Sul y Galw yn wahoddiad i fyfyrio o’r newydd ar alwedigaeth, ac mae’n hyfryd bod ymddiddan ar hyn o bryd â nifer o’r rhai o fewn cymuned y Gadeirlan sy’n dirnad galwad newydd i weinidogaethau lleyg ac ordeiniedig. Ond rwyf hefyd am fanteisio ar y cyfle’r Sul y Galw hwn i ddiolch i bawb o’n teulu ni yma yn y Gadeirlan ac yn Eglwys y Groes sydd eisoes yn rhoi o’u hunain i gefnogi’r Eglwys a’n cymunedau mewn ffyrdd mor gyfoethog a hael: Ein cerddorion, ein gweision Bwrdd yr Allor, ein darllenwyr a chynhyrchwyr ein llyfrynnau gwasanaeth, ein stiwardiaid a chroesawwyr a threfnwyr digwyddiadau, ein swyddogion ariannol, y rhai sy’n ffrydio ein gwasanaethau yn fyw, ein cabolwyr a’r rhai sy’n gofalu am ein hadeiladau, y rhai sy’n trefnu ein blodau, pawb sy’n gwirfoddoli ym Manc Bwyd y Gadeirlan, a’m cydweithwyr sy’n pregethu ac yn gweinidogaethu’r Sagrafennau yn ein plith – rydym wedi’n bendithio gan gymaint o alwedigaethau ffrwythlon ar hyn o bryd, a hebddynt byddai ein mawl i Dduw a’n gofal dros ein gilydd yn llawer mwy llwm. Fel cymuned, mae gennym lawer i ddiolch amdano – a gadewch inni fod yn sicr o gynnig y diolch hwnnw i’r rhai sy’n gweinidogaethu i ni. Ac os hoffech chi eich hun gamu ymlaen i gymryd mwy o ran yn ein bywyd ar y cyd, siaradwch â mi neu un o’m cydweithwyr.

Datganiadau Paned

Pob dydd Iau
11.15am am 45 munud
Paned a chacen o 10.45am

4 Mai | Jess Lawrence | Ffidil

Mae Jess yn ei thrydedd flwyddyn ym Mhrifysgol Bangor. Wrth iddi baratoi ar gyfer ei Datganiad Diwedd Gradd bydd yn rhoi cipolwg o’r gerddoriaeth wedi’i ysbyrdoli gan straeon ffantasi y mae hi wedi bod yn gweithio arni.

11 Mai | Jill Crossland | Piano

Mae Jill wedi perfformio ledled y byd ac efallai ei bod yn fwyaf adnabyddus am ei recordiadau cyflawn o Das Wohltemperierte Klavier gan Bach. Mae hi wedi recordio ar gyfer Warner Classics a Signum Classics.

Buchedd Bangor

Mae’r rhifyn hwn o'n cylchgrawn yn gydymaith i Dymor y Pasg. Fe geir ynddo gymysgedd o ddefnydd ysbrydol a gwybodaeth ymarferol am ein bywyd ar y cyd.

Cefnogaeth

Mae popeth sy’n digwydd yn y Gadeirlan a Bro Deiniol yn cael ei gynnal gan eich haelioni chi. Trwy roi rhodd, rydych yn ein helpu i barhau â’n gwaith hanfodol.

Tanysgrifiwch i dderbyn hysbys ar e-bost am O'r Ddarllenfa ac hysbysiadau eraill o'r Gadeirlan a Bro Deiniol