Y Sul hwn a'r wythnos o'n blaenau...

Defodau’r Nadolig

Ysgrifenna’r Is-Ddeon:

Mae’r wythnos o’n blaenau’n amser prysur i ni yma yn y Gadeirlan ac ar draws dinas Bangor. O’n perfformiad o’r Meseia heno, trwy Naw Llith nos Iau, i Wasanaeth y Preseb, Cymun Eglwys y Groes a’n Cymun Canol Nos cerddorfaol ar Noswyl Nadolig, i’n gwasanaethau bore Dolig, offrymir gwledd o addoliad, gweddi, cerddoriaeth a gwasanaeth i ogoniant Duw ym Mangor y dyddiau nesaf hyn. 

Aiff fy niolch ymlaen llaw i bawb o bob rhan o deulu’r Gadeirlan a fydd yn cyfrannu y tu hwnt i’r galw i sicrhau defodau teilwng. 

Fy ngobaith yw y byddwch yn gallu cyfranogi cymaint â phosibl o’r hyn a gynigir, ac y gallech ystyried gwahodd ffrindiau sydd angen llawenydd a hedd y baban Iesu yn eu bywydau y Nadolig hwn i ddod gyda chi. 

Fy ngweddi yw y bydd y dyddiau hyn yn amser bendigaid i bob un ohonom.

Cefnogi Banc Bwyd y Gadeirlan y Nadolig hwn

Mae’n hymdrech i gynnig cymorth ychwanegol i Fanc Bwyd y Gadeirlan y Nadolig hwn wedi bod ar ffurf rhoddion ar gyfer eitemau arbennig i oedolion sengl, y mae eu hanghenion yn hawdd eu hanwybyddu. Roeddem yn ddiolchgar am roddion o hetiau, sgarffiau, menig, sanau a thaclau ymolchi. Cafodd 75 o anrhegion eu lapio brynhawn Sul diwethaf, gan gynnwys rhai anrhegion ychwanegol i blant. Diolch arbennig i’n tîm papur lapio, a weithiodd yn galed drwy’r prynhawn. Croesewir rhoddion trwy law’r Stiwardiaid ar y Sul o hyd.

Alex Mills

Croesawn y cyfansoddwr, Alex Mills, i’n gwasanaethau’r Sul yma. Yn enedigol o Sir Benfro, mae Alex yn gyfansoddwr cerddoriaeth siambr, cerddorfaol a chorawl, yn ogystal â dwy opera ddiweddar, Dear Marie Stopes a Leonardo. Rydym wrth ein bodd bod Alex wedi derbyn comisiwn i gyfansoddi gosodiad Cymraeg o Saith Air y Groes ar gyfer Côr y Gadeirlan, i’w berfformio yma ar Ddydd Gwener y Groglith 2023.

Carolau ar Wib

Da oedd gweld y Gadeirlan mor llawn ar gyfer Carolau ar Wib, ein cyngerdd gaeaf teuluol, nos Lun diwethaf. Mae gwaith caled eto i’w wneud i adeiladu ar egin gysylltiadau â rhagor o ysgolion a theuluoedd; ond da oedd gweld brwdfrydedd eleni eisioes yn dwyn ffrwyth. Diolch i bawb o bob rhan o deulu’r Gadeirlan am y gwaith i gefnogi’r digwyddiad gwych hwn.

Pier Garth Bangor

Mae’n diolch yn fawr i Gôr y Gadeirlan am ymdopi â’r tywydd garw i chwarae rhan mor flaenllaw yn Ngyngerdd Nadolig Ffrindiau Pier Garth Bangor bnawn Sul diwethaf.

Defodau'r Nadolig

Meseia

18 Rhagfyr am 6.00pm

Perfformiad cerddorfaol gyda lleisiau Côr y Gadeirlan o gampwaith gogoneddus George Frideric Handel, dan arweiniad Joe Cooper | Prynwch eich tocyn yma

Naw Llith a Charol y Nadolig

22 Rhagfyr am 6.00pm

Ar drothwy’r Nadolig, ymunwch â ni wrth i ni deithio i Fethlehem, gyda darlleniadau traddodiadol a charolau yng ngolau cannwyll yn adrodd hanes genedigaeth Crist | Archebwch eich sedd yma

Gwasanaeth y Preseb

24 Rhagfyr am 4.00pm

i’r teulu i gyd wrth i ni adrodd hanes yr angylion a’r bugeiliaid, a Mair a Joseff ar y noswyl Nadolig gyntaf un

Dewch wedi’ch gwisgo fel bugail, dafad neu angel a helpwch ni i ail-fyw’r hanes hefo’n gilydd

Cymun Canol Nos y Nadolig

24 Rhagfyr o 10.30pm

Ein dathliad cyntaf o’r Nadolig, yng ngolau cannwyll, gan ddechrau gyda charolau gyda Chôr y Gadeirlan o 10.30pm ac yna’r Cymun am 11.00pm | Croeso i bawb; mynediad am ddim

Buchedd Bangor

Mae’r rhifyn hwn o'n cylchgrawn yn gydymaith i’r Advent a'r Nadolig. Fe geir ynddo gymysgedd o ddefnydd ysbrydol a gwybodaeth ymarferol am ein bywyd ar y cyd.

Cefnogaeth

Mae popeth sy’n digwydd yn y Gadeirlan a Bro Deiniol yn cael ei gynnal gan eich haelioni chi. Trwy roi rhodd, rydych yn ein helpu i barhau â’n gwaith hanfodol.

Tanysgrifiwch i dderbyn hysbys ar e-bost am O'r Ddarllenfa ac hysbysiadau eraill o'r Gadeirlan a Bro Deiniol