Y Sul hwn a'r wythnos o'n blaenau...

Naw Llith a Charol y Canhwyllau

Ar ddiwedd dathliadau’r Nadolig, ymunwch â ni wrth i ni deithio gyda Mair, Joseff a’r plentyn i Gaersalem, ar gyfer defod olaf y tymor, gan ddal y golau o’n blaenau, a chan weddïo yng ngoleuni’r fflam dros bopeth a fydd.

Tymor y Nadolig, a’r bennod nesaf

Ysgrifenna’r Is-Ddeon:

Mae Dygwyl Fair y Canhwyllau yn nodi diwedd y Nadolig. I ni yn y Gadeirlan ac ym Mro Deiniol, mae hefyd yn nodi diwedd cyfnod hwy, fu’n ymestyn o Sul yr Adfent hyd yr hwyr heno, pan y bu inni geisio, mewn addoliad, astudiaeth, cerdd a gweddi, nesáu at y Duw sydd bob amser gyda ni, a chroesawu eraill i ymuno â ni ar y bererindod. 

Mae fy niolch i bawb o bob rhan o deulu’r Gadeirlan sydd wedi rhoi mor hael o’u doniau i wneud hon yn daith deilwng i’r gymuned gyfan.

Yr wythnos nesaf, mae pennod newydd yn dechrau, wrth inni ddechrau tymor sy’n ein harwain i mewn i’r Grawys, a’i benllanw yn yr Wythnos Fawr. Byddwn yn nodi’r dechrau newydd gyda rhifyn newydd o Buchedd Bangor, ein cylchgrawn, a chyfres newydd o bregethau, wrth inni gwblhau heddiw ein cyfres yn astudio’r Ysgrythurau. Edrychaf ymlaen at bopeth sydd o’n blaen.

Cydymdeimlad

Ymestynnwn ein cydymdeimlad dwysaf â’r Prif Weinidog, Mark Drakeford, ar farwolaeth sydyn ei wraig. Mae gwasanaethu cenedl yn alwedigaeth drom, ac yn un sy’n gosod pwysau dwys ar ysgwyddau’r sawl sy’n gwasanaethu, ac ar eu teuluoedd. Gweddïwn yma’n feunyddiol dros y rhai sy’n llywodraethu ein cenhedloedd, a gweddïwn yr wythnos hon hefyd am orffwys tragwyddol enaid Mrs Drakeford yn llewyrch y goleuni gwastadol hwnnw, gyda’r holl ffyddloniaid ymadawedig.

Trwyddedau parcio

Mae trwyddedau parcio newydd, sydd eu hangen ar gyfer defnyddio maes parcio’r Gadeirlan ar ddiwrnodau heblaw dydd Sul o ddechrau mis Chwefror, ar gael wedi gwasanaethau heddiw. Gwerthfawrogir cyfraniad rhodd hael tuag at gronfeydd y Gadeirlan.

Datganiadau Paned

Pob dydd Iau
11.15am am 45 munud
Paned a chacen o 10.45am

2 Chwefror | Strafagansa Soprano

Mae Ysgolheigion y Gân Soprano o Gôr y Gadeirlan yn cyflwyno datganiad disglair gyda pherfformiadau’n deilwng o’r “diva” – ond oes na Garyl Parry Jones yn eu mysg?

9 Chwefror | Martin Brown | Organ

Organydd y Gadeirlan, Martin Brown, sy’n dychwelyd unwaith eto i’w offeryn cartref i’n swyno gyda datganiad amrywiol o ffefrynnau’r organ.

Buchedd Bangor

Mae’r rhifyn hwn o'n cylchgrawn yn gydymaith i’r Advent a'r Nadolig. Fe geir ynddo gymysgedd o ddefnydd ysbrydol a gwybodaeth ymarferol am ein bywyd ar y cyd.

Cefnogaeth

Mae popeth sy’n digwydd yn y Gadeirlan a Bro Deiniol yn cael ei gynnal gan eich haelioni chi. Trwy roi rhodd, rydych yn ein helpu i barhau â’n gwaith hanfodol.

Tanysgrifiwch i dderbyn hysbys ar e-bost am O'r Ddarllenfa ac hysbysiadau eraill o'r Gadeirlan a Bro Deiniol