Hysbys wythnosol

Piano newydd

Rydym yn falch inni’n ddiweddar gael cyfle i brynu piano newydd am bris gostyngedig. 

Wedi ei wneuthur gan gwmni Bechstein yn 1878 a’i adfer dros yr wythnosau diwethaf gan gwmni lleol Pianos Cymru, bydd yn cynnig offeryn o safon uchel ar gyfer ein datganiadau, ein haddoliad a’n digwyddiadau cerddorol ehangach. 

Ceir bendithio’r piano ar ddiwedd y gwasanaeth heddiw.

Sanctaidd Dduw, y bu i’th was Moses orchymyn seinio’r cyrn gwlad uwch offrwm yr ebyrth, y bu i blant Israel ewyllysio moliant i’th enw ag utgyrn a symbalau, yr un y cydseinia tyrfa llu’r nefol dy fawl, ac y’th glodforir gan symud mudan y galaethau; er mwyn i’n cerdd yn y deml hon deilyngu’th fawredd, W bendithia’r piano hwn, fel y bydd i’w gerddoriaeth gynnig inni gipolwg ar dy harddwch, a bod i ni yn rhagflas o’th nefolion lle na fydd na swn na distawrwydd, ond un beroriaeth gyfartal dy ogoniant; trwy’r hwn sy’n eistedd ar ddeulaw dy anrhydedd, hyd yn oed Iesu Grist ein Gwaredwr Dyrchafedig. Amen.

Vivat Regina!

Dydd Sadwrn 11 Mehefin am 7.30pm

Ar ddydd Sadwrn 11 Mehefin am 7.30pm, bydd Côr y Gadeirlan yn cyflwyno cyngerdd sy’n cynnwys gweithiau “brenhinol” gan Handel, Parry, Walton a Mathias. 

Cafwyd blas o safon arbennig y canu yn y Gosber ar Gân mewn Diolchgarwch am y Jiwbilî nos Iau dwethaf, a cheir mwy o ganu gwych yma. 

Mae manylion llawn ar dudalen 45 yn Buchedd Bangor; a cheir tocynnau ar werth yma.

My Place

Dydd Sadwrn 18 Mehefin am 7.30pm

Cynhyrchiad dramatig gan gwmni theatr Riding Lights, yw “My Place” sy’n archwilio bywydau pedwar person ifanc heb le i alw yn gartref. 

Dilynwn hwy drwy gartrefi gwahanol, drwy’r gyfundrefn gyfreithiol, a thrwy fyrlwm eu bywydau bregus. 

Mae teithiau rhyfeddol y plant bywiog, dyfeisgar hyn yn datblygu trwy stori a chân, gan ofyn inni ystyried pa le a allai fod i ni yn eu bywydau nhw. 

Ceir tocynnau arlein yma neu gan Naomi am £10.

Lleisiau Plant dros Wcráin ac Expo Gwirfoddolwyr

Braf yr wythnos ddiwethaf oedd croesawu plant o ysgolion lleol, ynghyd â’u rhieni a’u hathrawon, i’r Gadeirlan i ganu yn ein cyngerdd codi arian i’r Wcráin. Hyfryd hefyd oedd gweld cymaint o elusennau lleol ac achosion da yn cael eu cynrychioli yn yr Expo Gwirfoddolwyr ddydd Sadwrn. Diolch yn fawr i bawb o dîm y Gadeirlan a gefnogodd y digwyddiadau hyn.

Clas ar Zoom

Dydd Llun 6 Mehefin am 6.30pm

Mae’r dylunydd dodrefn o fri rhyngwladol, Luke Hughes, sy’n gweithio ar ddodrefn Corff yr Eglwys newydd ar gyfer y Gadeirlan, yn ymuno â ni i fyfyrio ar ei grefft aci sgwrsio am ein gynlluniau yn y Gadeirlan.

Datganiadau Paned

Pob dydd Iau
11.15am am 45 munud
Paned a chacen o 10.45am

9 Mehefin | Francesca Hook | Soprano

Mae Francesca ar hyn o bryd yn fyfyrwraig MA mewn Cerddoriaeth ac Addysg ym Mhrifysgol Bangor ac wedi canu gyda Chôr y Gadeirlan. Bydd yn cyflwyno datganiad o weithiau o’r llwyfan a’r sgrîn.

16 Mehefin | Alice Caldwell | Recorder Baroc

Mae Alice Caldwell yn un o Ysgolheigion y Gân y Gadeirlan. Yn ei datganiad, bydd yn perfformio ystod eang o gyfansoddiadau recorder Baróc gan gyfansoddwyr megis Handel, Telemann a Sammartini.

Buchedd Bangor

Trydydd rhifyn cylchgrawn newydd Cadeirlan Deiniol Sant ym Mangor

Mae’r rhifyn hwn yn gydymaith i’r cyfnod tan ddiwedd Mehefin. Fe geir ynddo gymysgedd o ddefnydd ysbrydol a gwybodaeth ymarferol am ein bywyd ar y cyd.

Cliciwch ar y llun uchod i ddarllen copi.

Y bwriad yw cyhoeddi pum rhifyn o Buchedd Bangor dros y flwyddyn, a phob un yn cyd-fynd â chyfnod penodol ym mywyd addoli’r Gadeirlan, ac â chyfres o bregethau ar fore Sul i’n tywys drwy’r cyfnod hwnnw.

Ewch â chopi i eraill fel cyflwyniad i fywyd a bwrlwm y Gadeirlan.

Cefnogaeth

Mae popeth sy’n digwydd yn y Gadeirlan a Bro Deiniol yn cael ei gynnal gan eich haelioni chi. Trwy roi rhodd, rydych yn ein helpu i barhau â’n gwaith hanfodol.

Tanysgrifiwch i dderbyn hysbys ar e-bost am O'r Ddarllenfa ac hysbysiadau eraill o'r Gadeirlan a Bro Deiniol