Hysbys wythnosol

Gweddïo dros ein Harchesgob newydd

Rydym yn anfon ein dymuniadau gorau at ein Hesgob ar ei ethol yn Archesgob Cymru. Bu i’r Esgob ei ethol yn Archesgob gan aelodau Coleg Ethol yr Eglwys yng Nghymru ar ddiwrnod cyntaf cyfarfod y Coleg yn Eglwys y Drindod Sanctaidd, Llandrindod ddydd Llun. Cadarnhawyd ei etholiad yn Archesgob Cymru ar unwaith gan y pum esgob cadeiriol arall. Gorseddir yr Archesgob yn ein Cadeirlan yn y flwyddyn newydd. Fel Archesgob, bydd yn parhau i wasanaethu fel Esgob Bangor.

Da o beth oedd inni allu cynnull yn y Gadeirlan nos Fawrth i ddathlu Cymun Bendigaid ar Gân yn ddiofryd i’r Ysbryd Glân, i weddïo dros yr Archesgob newydd ar ei etholiad, ac dros Esgobion yr Eglwys yng Nghymru.

Dyma’r ymbiliau a ddefnyddiwyd gan y Canon dros Fywyd Cynulleidfaol yn ystod y Cymun. Gallwn barhau i’w defnyddio wrth inni gynnal yr Archesgob newydd yn ein gweddïau beunyddiol.

Mawr wyt ti O Dduw, ac yn mawr yw ein mawl iti. Yr wyt yn tollti arnom fendithion lu y tu hwnt i’n deall. Gweddïwn heno am dy fendith ar Andrew John, dy gwas, ein Hesgob ac Archesgob newydd Cymru.

Diolchwn iti am y weinidogaeth a dderbyniasom oddi wrth Esgob Andrew dros y blynyddoedd; am ei angerdd dros efengylu; a’i esiampl o wasanaeth a chariad sy’n ein hannog a’n hysbrydoli. Bydded i’th Ysbryd Glân yn raslon o’i gylch gan ymdywallt arno roddion doethineb a nerth, addfwynder a thosturi.

Arweiniodd dy Fab, Iesu Grist, ei ddisgyblion gyda gofal a dealltwriaeth, gan ddatgelu ynddynt y doniau a roddast ti iddynt. Boed i Archesgob Andrew adlewyrchu arweinyddiaeth Crist, wrth iddo weithio gyda’r Eglwys gyfan i gyhoeddi dy Efengyl mewn gair a gweithred.

Gweddïwn dros deulu’r Archesgob a’i ffrindiau agos. Boed iddo ganfod wastad gyda hwy yr hedd a’r cariad, y llonyddwch a thawelwch, i’w gryfhau i gyflawni’r weinidogaeth newydd hon.

Yn olaf, gweddïwn dros Fainc yr Esgobion, am ddechreuadau newydd wrth iddynt geisio clywed dy air o’r newydd. Boed iddynt weithio gyda’i gilydd i gyhoeddi dy ogoniant a’th ddaioni, fel y gall yr holl fyd ganfod dy iachád a’r gyflawnrwydd.

Amen.

Rhagofalon Cofid

Ysgrifenna’r Is-Ddeon:

Mae’r rhain yn ddyddiau pryderus wrth i ni fonitro datblygiadau diwedderaf Cofid.

Hyderaf nad oes angen imi ein hannog ni oll i gymryd rhan yn yr ymdrechion brechu ac atgyfnerthu cyfredol. Mae ymateb yn brydlon i’r cyfleoedd i gael ein brechu a derbyn y pigiad atgyfnerthu yn rhywbeth pendant y gallwn ni i gyd ei wneud i chwarae ein rhan i gadw ein hunain ac eraill yn ddiogel.

Mae ein pedwar prif rhagofal Cofid yn y Gadeirlan, sydd wedi’u hargraffu ar drydedd dudalen y llyfryn hwn, yn parhau i fod mewn grym, a dyma hoelion wyth yr hyn a wnawn ni wrth ymgynnull fel cymuned y Gymuned i leihau’r risg o drosglwyddiant. Dylem hefyd dalu sylw i awgrym Llywodraeth Cymru ein bod yn gwneud llawer mwy o ddefnydd personol o brofion llif-ochrol cyn gadael cartref, yn enwedig pan am fynychu gweithgareddau cymunedol.

Wrth i Lywodraeth Cymru a chyrff cenedlaethol yr Eglwys yng Nghymru barhau i adolygu eu rheoliadau a’u canllawiau, felly y byddwn ninnau hefyd yn adolygu ein rhagofalon yn rheolaidd yn y Gadeirlan.

Ydy, mae’r rhain yn ddyddiau pryderus. Ond mae’r rhain hefyd yn ddyddiau sanctaidd, wrth i ni baratoi, mewn calon a meddwl, i ddathlu dyfodiad Crist, sef Goleuni’r Byd, Gobaith y Cenhedloedd, a’r Wawrddydd oddi fry, a fydd yn gwawrio arnom ni waeth pa mor hir neu bryderus y nos.

Rwy’n falch ei bod yn ymddangos yn debygol, ar hyn o bryd, y byddwn yn gallu ymgynnull yn y Gadeirlan dros yr wythnosau i gadw Adfent wyliadwrus ac i ddathlu’r Ŵyl yn llawen. Gadewch imi eich hannog i gyfranogi yn yr arlwy gyfoethog i’r graddau y medrwch; i gadw gweinidogaeth y Gadeirlan yn eich gweddïau ble bynnag yr ydych dros yr wythnosau a ddaw; ac i ofalu amdanoch eich hunain ac am eich gilydd. 

“Dyma gyfaill haedda ‘i garu, a’i glodfori’n fwy nag un... Frodyr, dewch, llawenhewch, diolchwch iddo, byth na thewch!”

Meseia

George Frideric Handel
Dydd Mawrth 14 Rhagfyr
7.30pm

Ymunwch â Chôr y Gadeirlan am berfformiad o Ran I a “hoff ddarnau” o oratorio enwocaf Handel, mewn fersiwn ddwyieithog newydd a chyffrous. Bydd y perfformiad yn cynnwys unawdau gan Ysgolheigion y Gân newydd y Gadeirlan, a chyfeiliant cerddorfaol gan fyfyrwyr Prifysgol Bangor a cherddorion lleol eraill. Mae tocynnau (£10 oedolion / £5 consesiynau / plant yn rhad ac am ddim) ar gael ar y drws neu ymlaen llaw yma.

Defod Gobaith

Llithoedd a Charolau’r Nadolig yng Ngolau Cannwyll
Dydd Sul 19 Rhagfyr
5.30pm

Yr ail o’n tair defod draddodiadol, dirdynnol a cherddorol ar nos Sul yn ystod cyfnod y Nadolig. Ar ôl cynifer o fisoedd heriol, rydym yn ymgynnull o bob rhan o’r ddinas a’r gymuned i glywed geiriau o addewid ac i ganu carolau llawenydd. Ar ôl cynifer o fisoedd heriol, rydym yn ymgynnull o bob rhan o’r ddinas a’r gymuned i glywed geiriau o addewid mewn Naw Llith, ac i ganu carolau llawenydd. Mae’r ddefod yn rhad ac am ddim i fynychu, gyda rhoddion yn cael eu gwahodd tuag at ein Apêl Nadolig. Argymhellir cadw sedd, a gellir gwneud hynny fan hyn.

Plygain y Nadolig

Dydd Mercher 23 Rhagfyr
7.30pm

Dyma gyfle i ymgynnull ar gyfer dathliad o Blygain y Nadolig ar ei newydd wedd. Wedi eu gweu drwy ddetholiad o’r Hwyrol Weddi, bydd perfformiadau gan yr unawdydd Erin Fflur a Chôr y Gadeirlan. Cawn hefyd ganu carolau ac gwrando ar gerddi a myfyrdodau fydd yn mynd â ni ar daith hefo cymeriadau allweddol y Nadolig cyntaf. Ymestynnir gwahoddiad cynnes i chi ymuno yn y blas traddodiadau a chyfoes hwn ar ddathliad iaith Gymraeg o Ysbryd y Nadolig.

Buchedd Bangor

MaeCylchgrawn newydd Cadeirlan Deiniol Sant ym Mangor

Mae’r rhifyn cyntaf yn gydymaith i’r cyfnod o Sul yr Adfent (28 Tachwedd) tan ddiwedd tymor y Nadolig ar Ŵyl Fair y Canhwyllau (30 Ionawr). Fe geir ynddo gymysgedd o ddefnydd ysbrydol a gwybodaeth ymarferol am ein bywyd ar y cyd.

Cliciwch ar y llun uchod i ddarllen copi.

Y bwriad yw cyhoeddi pum rhifyn o Buchedd Bangor dros y flwyddyn, a phob un yn cyd-fynd â chyfnod penodol ym mywyd addoli’r Gadeirlan, ac â chyfres o bregethau ar fore Sul i’n tywys drwy’r cyfnod hwnnw.

Ewch â chopi i eraill fel cyflwyniad i fywyd a bwrlwm y Gadeirlan.

Mae tudalennau 40-43 o Buchedd Bangor yn amlinellu’r dathliadau cyfoethog a chywrain sy’n cymryd lle yn y Gadeirlan dros yr Adfent a’r Nadolig, y tu hwnt i’n defodau rheolaidd a’n Cymun Nadolig. 

Gwnewch yn siŵr eich bod yn rhoi’r dyddiadau hyn a’r dathliadau eraill yn eich dyddiaduron, ac yn rhannu’r newydd.

Cefnogaeth

Mae popeth sy’n digwydd yn y Gadeirlan a Bro Deiniol yn cael ei gynnal gan eich haelioni chi. Trwy roi rhodd, rydych yn ein helpu i barhau â’n gwaith hanfodol.

Tanysgrifiwch i dderbyn hysbys ar e-bost am O'r Ddarllenfa ac hysbysiadau eraill o'r Gadeirlan a Bro Deiniol