Mae gan bob dinas ei stori. Mae stori Bangor yn dechrau hefo noddfa - lle i ganfod lloches.

Mae Dinas Noddfa yn dod â 1,500 o flynyddoedd o hanes Cadeirlan Bangor yn fyw drwy ddrama, cerddoriaeth a chân.

Mae’r stori’n dechrau pan fydd Mark a Ruth, cwpl ifanc o Fangor, yn camu i mewn i’r Gadeirlan. Wrth iddyn nhw grwydro o gwmpas, mae pobl a digwyddiadau o’i gorffennol yn ymddangos o’u cwmpas, o’r gymuned Gristnogol a sefydlwyd gan Deiniol Sant i le’r Gadeirlan yn y ddinas heddiw.

Mae’r cynhyrchiad wedi’i ysgrifennu a’i gyfarwyddo gan Cefin Roberts. Mae’n cynnwys perfformwyr o Ysgol Glanaethwy, cast o’r gymuned a chorau lleol - Côr Cofnod a Hogia Ddwylan.

Mae’r cynhyrchiad yn defnyddio ei leoliad hanesyddol mewn ffordd unigryw ac yn gofyn beth mae cael croeso a lloches ym Mangor yn ei olygu heddiw.

Cymraeg yw prif iaith y cynhyrchiad. Mae croeso mawr i ddysgwyr Cymraeg.

Perfformiadau yng Nghadeirlan Bangor:

• Dydd Gwener 30 Hydref am 7:30yh
• Dydd Sadwrn 31 Hydref am 2yp
• Dydd Sadwrn 31 Hydref am 7:30yh