Mae Cadeirlan Bangor yn credu ac yn cyhoeddi Newyddion Da Iesu Grist, sef:

• fod Duw yn weithgar ac yn bersonol, yn Dad sy’n gofalu am ei gread ac am bob bod dynol fel ei blentyn annwyl;
• fod Duw wedi datgelu ei hunan fel y mae ym mherson hanesyddol Iesu Grist, a
• thrwy fywyd, marwolaeth ac atgyfodiad yr un person hwnnw, mae Duw wedi cyhoeddi ei gariad dros y byd ac wedi agor ffordd, sydd ar gael i ni trwy ein hymateb mewn ffydd, i arllwys ei gariad a’i fywyd i’n bywydau.
• Fod Duw yn gweithio yn y byd heddiw fel Ysbryd, yn ysbrydoli ffydd, cyfiawnder a gwirionedd.
• Rydym yn credu fod Duw wedi galw pob un sy’n ymateb iddo i fod yn bobl iddo, ac i weithio gyda’i gilydd fel llysgenhadon ei waith o iachau’r byd.

Mae hynny’n Newyddion Da, oherwydd mae’n annog pob un ohonom i sylweddoli fod Duw yn ein caru, ei fod wedi mynd allan o’i ffordd i’n cyfarfod ni ym mherson ei Fab, yn yr hwn y mae’n ein derbyn ni fel ag yr ydym.Mae’n gofyn i ni dynnu ar ei nerth i fyw bywyd yn llawn ac i ddod ag iachâd i’r byd.Rydym yn eich gwahodd chi i ymuno â ni i rannu’r fath Newyddion Da.